ຂ່າວ​ເດັ່ນ​ປະ​ຈຳ​ວັນ
ຄົ້ນ​ຫາ​ໃນ​ໜ້ານີ້

ການແຂ່ງຂັນຊ່ວງເຮືອແຂວງເຊກອງປີນີ້ ມີບັນຍາກາດຄັກຄື້ນ ແລະ ມ່ວນຊື່ນ ເຮືອປະເພນີ ຊາຍ-ຍິງ ຍາດໄດ້ທີ 1

05/12/2022

ການແຂ່ງຂັນຊ່ວງເຮືອແຂວງເຊກອງປີນີ້ ມີບັນຍາກາດຄັກຄື້ນ ແລະ ມ່ວນຊື່ນ ເຮືອປະເພນີ ຊາຍ-ຍິງ ຍາດໄດ້ທີ 1

ງານບຸນຊ່ວງເຮືອແຂວງເຊກອງປະຈໍາປີ 2022 ທີ່ເຕັມໄປດ້ວຍຄວາມເບີກບານມ່ວນຊື່ນ, ສີສັນວັດທະນະທຳທີ່ງົດງາມ ແລະ ຮັກສາໄດ້ຮີດຄອງປະເພນີ, ຄວາມສາມັກຄີ ເຊິ່ງມີເຮືອເຂົ້າຮ່ວມແຂ່ງຂັນທັງໝົດ 16 ລໍາ, 18 ຄະນະ ເຊິ່ງພາຍຫຼັງສໍາເລັດການເປີດພິິທີຢ່າງເປັນທາງການ ກໍ່ໄດ້ເລີ່ມການແຂ່ງຂັນໃນຮອບຄັດເລືອກ, ແຕ່ລະຄະນະກໍ່ໄດ້ສຸມເຫື່ອແຮງ, ຈິດໃຈ ແລະ ຄວາມສາມັກຄີຂອງກໍາລັງສີພາຍແຕ່ລະກົມກອງ ແລະ ແຕ່ລະບ້ານ ເພື່ອຫວັງເອົາຫົວເຮືອຂອງຕົນເຂົ້າສູ່ເສັ້ນໄຊ ຍາດຊິງເອົາຂັນລາງວັນ. ໂດຍມີທ່ານ ສົມສະຫວາດ ເລັ່ງສະຫວັດ ອາດີດຮອງນາຍົກລັດຖະມົນຕີ, ທ່ານ ເຫຼັກໄຫຼ ສີວິໄລ ເຈົ້າແຂວງເຊກອງ, ມີການນໍາ-ອາດີດການນໍາຂອງແຂວງ, ເມືອງ ແລະ ມວນຊົນເຂົ້າຮ່ວມຊົມຮ່ວມເຊຍຢ່າງຫຼວງຫຼາຍ.

ອ່ານ​ເພີ່ມ

 

ເຊກອງ ແລະ ດັກລັກ ຮ່ວມກັນສະແດງສີລະປະ ແລກປ່ຽນວັດທະນະທໍາ ເຊື່ອມໂຍງມິດຕະພາບ

05/12/2022

ເຊກອງ ແລະ ດັກລັກ ຮ່ວມກັນສະແດງສີລະປະ ແລກປ່ຽນວັດທະນະທໍາ ເຊື່ອມໂຍງມິດຕະພາບ

ໃນຄໍ່າຄືນວັນທີ 2-3 ທັນວາ 2022 ທີ່ສູນການຄ້າແຂວງເຊກອງ, ພະແນກຖະແຫຼງຂ່າວ, ວັດທະນະທໍາ ແລະ ທ່ອງທ່ຽວແຂວງເຊກອງ ສປປ ລາວ ແລະ ພະແນກວັດທະນະທໍາ, ກິລາ ແລະ ທ່ອງທ່ຽວແຂວງດັກລັກ ສສ ຫວຽດນາມ ໄດ້ຮ່ວມກັນຈັດງານສະແດງສິລະປະ-ວັນນະຄະດີ ແລກປ່ຽນວັດທະນະທໍາ ພາຍໃຕ້ຫົວຂໍ້: “ ເຊື່ອມໂຍງມິດຕະພາບ “ ເນື່ອງໃນໂອກາດສະເຫຼີມສະຫຼອງປີສາມັກຄີ ລາວ-ຫວຽດນາມ ປີ 2022, ທັງເປັນການສະເຫຼີມສະຫຼອງວັນຊາດແຫ່ງ ສປປ ລາວ ຄົບຮອບ 47 ປີ ແລະ ງານບຸນຊ່ວງເຮືອປະເພນີແຂວງເຊກອງປະຈໍາປີ 2022 ໂດຍມີທ່ານ ສົມສະຫວາດ ເລັ່ງສະຫວັດ ອາດີດຮອງນາຍົກລັດຖະມົນຕີແຫ່ງ ສປປ ລາວ, ທ່ານ ເຫຼັກໄຫຼ ສີວິໄລ ເຈົ້າແຂວເຊກອງ, ບັນດາທ່ານການນໍາແຂວງເຊກອງ-ແຂວງດັກລັກ ແລະ ປະຊາຊົນຊາວແຂວງເຊກອງເຂົ້້າຮ່ວມຮັບຊົມຢ່າງຫຼວງຫຼາຍ.

ອ່ານ​ເພີ່ມ

 

ແຂວງເຊກອງ ຈັດການແຂ່ງຂັນເຮືອຊ່ວງປະຈໍາປີ 2022

03/12/2022

ແຂວງເຊກອງ ຈັດການແຂ່ງຂັນເຮືອຊ່ວງປະຈໍາປີ 2022

ໃນຕອນເຊົ້າວັນທີ 3 ທັນວາ 2022 ນີ້, ແຂວງເຊກອງໄດ້ຈັດການແຂ່ງຂັນເຮືອຊ່ວງປະຈຳປີ 2022 ໂດຍມີທ່ານ ສົມສະຫວາດ ເລັ່ງສະຫວັດ ອະດີດຮອງນາຍົກລັດຖະມົນຕີແຫ່ງ ສປປ ລາວ, ທ່ານ ເຫຼັກໄຫຼ ສີວິໄລ ເຈົ້າແຂວງເຊກອງ, ທ່ານ ເລັດ ໄຊຍະພອນ ເຈົ້າແຂວງອັດຕະປື, ການນໍາແຂວງຈໍາປາສັກ, ສາລະວັນ, ພະແນກວັດທະນະທໍາ, ກິລາ ແລະ ທ່ອງທ່ຽວແຂວງດັກລັກ ສສ ຫວຽດນາມ, ການນໍາເມືອງ 4 ເມືອງອ້ອມຂ້າງແຂວງ ແລະ ປະຊາຊົນເຂົ້າຮ່ວມຊົມຮ່ວມເຊຍຢ່າງຫຼວງຫຼາຍ.

ອ່ານ​ເພີ່ມ

 

ແຂວງເຊກອງ ເປີດງານຕະຫຼາດນັດແຮງງານ

02/12/2022

ແຂວງເຊກອງ ເປີດງານຕະຫຼາດນັດແຮງງານ

ແຂວງເຊກອງໄດ້ຈັດພິທີເປີດງານຕະຫຼາດນັດແຮງງານຂຶ້ນໃນວັນທີ 1 ທັນວາ 2022 ທີ່ສູນການຄ້າຂອງແຂວງ ໂດຍມີທ່ານ ເຫຼັກໄຫຼ ສີວິໄລ ເຈົ້າແຂວງເຊກອງ, ຄະນະນຳຂັ້ນແຂວງ-ຂັ້ນເມືອງ, ພະແນກແຮງງານ ແລະ ສະຫວັດດິການສັງຄົມແຂວງອັດຕະປື ແລະ ບັນດາບໍລິສັດລັດວິສາຫະກິດພາຍໃນແຂວງ, ຕ່າງແຂວງ ພ້ອມດ້ວຍນັກສຶກສາຈາກໂຮງຮຽນວິຊາຊີບແບບປະສົມແຂວງເຊກອງເຂົ້າຮ່ວມ.

ອ່ານ​ເພີ່ມ

 

ເຈົ້າແຂວງເຊກອງ ເນັ້ນໃຫ້ພະນັງານແພດ-ໝໍເຮັດໜ້າທີ່ດ້ວຍຄວາມເສຍສະຫຼະ

02/12/2022

ເຈົ້າແຂວງເຊກອງ ເນັ້ນໃຫ້ພະນັງານແພດ-ໝໍເຮັດໜ້າທີ່ດ້ວຍຄວາມເສຍສະຫຼະ

ດ້ວຍຄວາມເປັນຫ່ວງເປັນໄຍຂອງການນໍາພັກ-ລັດ ກໍ່ຄື ຄະນະພັກ-ຄະນະນໍາແຂວງເຊກອງໃນຕອນເຊົ້າວັນທີ 2 ທັນວາ 2022 ນີ້ ທ່ານ ເຫຼັກໄຫຼ ສີວິໄລ ເຈົ້າແຂວງເຊກອງ ພ້ອມດ້ວຍທ່ານ ສີສຸພັນ ມະຫາວົງ ຫົວໜ້າຫ້ອງວ່າການແຂວງ ໄດ້ລົງເຄື່ອນໄຫວຢ້ຽມຢາມ, ໃຫ້ກໍາລັງໃຈພະນັກງານແພດ-ໝໍ ແລະ ຄົນເຈັບ ທີ່ນອນປິ່ນປົວຢູ່ໂຮງໝໍແຂວງ ແລະ ໂຮງໝໍທະຫານແຂວງ ໂດຍມີທ່ານຫົວໜ້າພະແນກສາທາລະນະສຸກແຂວງ, ຄະນະພັກ-ຄະນະອໍານວຍການ ແລະ ພະນັກງານແພດ-ໝໍໃຫ້ການຕ້ອນຮັບຢ່າງອົບອຸ່ນ.

ອ່ານ​ເພີ່ມ

 

ເຊກອງ ຫວນຄືນມູນເຊື້ອວັນຊາດທີ2 ທັນວາ ຄົບຮອບ 47 ປີ

01/12/2022

ເຊກອງ ຫວນຄືນມູນເຊື້ອວັນຊາດທີ2 ທັນວາ ຄົບຮອບ 47 ປີ

ເພື່ອສະເຫຼີມສະຫຼອງວັນຊາດທີ 2 ທັນວາ ຫຼື ວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 47 ປີ ( 2 ທັນວາ 1975 - 2 ທັນວາ 2022 ) ແລະວັນຄ້າຍວັນເກີດຂອງປະທານ ໄກສອນ ພົມວິຫານ ຜູ້ນໍາທີ່ແສນເຄົາລົບຮັກຂອງປວງຊົນລາວທັງຊາດ ຄົບຮອບ 102 ປີ ໃຫ້ມີຄວາມໝາຍເລິກເຊິ່ງ, ໃນວັນທີ 1 ທັນວານີ້, ແຂວງເຊກອງ ໄດ້ຈັດພິທີປາຖະກະຖາຫວນຄືນມູນເຊື້ອ 2 ວັນດັ່ງກ່າວຂຶ້ນ ທີ່ສະໂມສອນແຂວງ, ໃຫ້ກຽດເຂົ້າຮ່ວມເປັນປະທານຂອງທ່ານ ສົມສະວາດ ເລັ່ງສະຫວັດ ອາດີດກຳມະການກົມການເມືອງສູນກາງພັກ, ອາດີດຮອງນາຍົກລັດຖະມົນຕີ ແຫ່ງ ສປປ ລາວ, ມີ ທ່ານ ເຫຼັກໄຫຼ ສີວິໄລ ກຳມະການສູນກາງພັກ, ເລຂາພັກແຂວງ ເຈົ້າແຂວງເຊກອງ, ຄະນະບໍລິຫານງານພັກແຂວງ, ພະນັກງານອາວຸໂສບໍານານ, ສອງກຳລັງປະກອບອາວຸດ ພ້ອມດ້ວຍພະນັກງານຫຼັກແຫຼ່ງພາຍໃນແຂວງເຂົ້າຮ່ວມ.

ອ່ານ​ເພີ່ມ

 

ການນໍາພັກ-ລັດ ແຂວງເຊກອງ ວາງກະຕ່າດອກໄມ້ ວັນຊາດທີ 2 ທັນວາ  ຄົບຮອບ 47 ປີ

01/12/2022

ການນໍາພັກ-ລັດ ແຂວງເຊກອງ ວາງກະຕ່າດອກໄມ້ ວັນຊາດທີ 2 ທັນວາ ຄົບຮອບ 47 ປີ

ເນື່ອງໃນໂອກາດວັນຊາດທີ 2 ທັນວາ ຄົບຮອບ 47 ປີ (2/12/1975-2/12/2022), ວັນຄ້າຍວັນເກີດຂອງປະທານໄກສອນ ພົມວິຫານ ຄໄບຮອບ 102 ປີ ໄດ້ໝູນວຽນມາບັນຈົບຄົບຮອບອີກວາລະ ໜຶ່ງ, ໃນວັນທີ 1 ທັນວາ ນີ້ ການນຳພັກ-ລັດ ແຂວງເຊກອງ ຊຶ່ງນໍາໂດຍ ສະຫາຍ ເຫຼັກໄຫຼ ສີວິໄລ ກຳມະການສູນກາງພັກ ເລຂາພັກແຂວງ ເຈົ້າແຂວງເຊກອງ ພ້ອມດ້ວຍຄະນະບໍລິຫານງານພັກແຂວງ, ສະພາປະຊາຊົນແຂວງ, ການນໍາພັກ-ລັດຂັ້ນແຂວງ-ຂັ້ນເມືອງ ໄດ້ເຂົ້າວາງພວງມາລາ ຕໍ່ໜ້າອະນຸສາວະລີ ນັກຮົບນິລະນາມ ແລະ ວາງກະຕ່າດອກໄມ້ ຕໍ່ໜ້າຮູບປັ້ນຫຼໍ່ຂອງປະທານ ໄກສອນ ພົມວິຫານ ອະດີດຜູ້ນຳທີ່ແສນເຄົາລົບຮັກຂອງປວງຊົນລາວທັງຊາດ.

ອ່ານ​ເພີ່ມ

 

ຮອງລັດຖະມົນຕີກະຊວງ ປກສ ເນັ້ນ ປກສ ແຂວງເຊກອງ ສ້າງຫັນປ່ຽນໃໝ່ຢ່າງໜັກແໜ້ນ

01/12/2022

ຮອງລັດຖະມົນຕີກະຊວງ ປກສ ເນັ້ນ ປກສ ແຂວງເຊກອງ ສ້າງຫັນປ່ຽນໃໝ່ຢ່າງໜັກແໜ້ນ

ໃນໂອກາດເຂົ້າຮ່ວມກອງປະຊຸມດໍາເນີນຊີວິດການເມືອງພາຍໃນຄະນະພັກ-ຄະນະບັນຊາ ກອງບັນຊາການ ປກສ ແຂວງເຊກອງ ໃນວັນທີ 30 ພະຈິກ 2022 ນີ້, ສະຫາຍ ພົນຕີ ວັນທອງ ກອງມະນີ ກໍາມະການສູນກາງພັກ, ຮອງລັດຖະມົນຕີ, ຫົວໜ້າກົມໃຫຍ່ການເມືອງ ກະຊວງປ້ອງກັນຄວາມສະຫງົບ ໄດ້ເນັ້ນໃຫ້ຄະນະພັກ-ຄະນະບັນຊາ ປກສ ແຂວງເຊກອງ ຈົ່ງເອົາໃຈໃສ່ປັບປຸງແບບແຜນການນໍາພາ-ວິທີເຮັດວຽກໃຫ້ມີຄຸນນະພາບ, ແທດຕົວຈິງ ຕິດພັນກັບການສຶກສາອົບຮົມການ ເມືອງແນວຄິດໃຫ້ພະນັກງານ-ນັກຮົບຢ່າງເປັນປົກກະຕິ ແລະ ຕໍ່ເນື່ອງ ເພື່ອແນໃສ່ສ້າງການຫັນປ່ຽນຢ່າງແຂງແຮງ, ເລິກເຊິ່ງ ແລະ ຮອບດ້ານ ເພື່ອເປັນກໍາລັງແຮງໃຫ້ກົມກອງໃນການເຄື່ອນໄຫວເຮັດສໍາເລັດໜ້າທີ່.

ອ່ານ​ເພີ່ມ

 

ໄຊຊະນະມອບເງິນ 120 ລ້ານກີບ ຊຸກຍູ້ນັກກິລາແຂວງເຊກອງ ຮ່ວມກິລາແຫ່ງຊາດ ຄັ້ງທີ XI

30/11/2022

ໄຊຊະນະມອບເງິນ 120 ລ້ານກີບ ຊຸກຍູ້ນັກກິລາແຂວງເຊກອງ ຮ່ວມກິລາແຫ່ງຊາດ ຄັ້ງທີ XI

ບໍລິສັດ ໄຊຊະນະພະລັງງານ ຈໍາກັດ ມອບເງິນອຸປະຖໍາຈໍານວນ 120 ລ້ານກີບຊຸກຍູ້ນັກກິລາແຂວງເຊກອງເຂົ້າຮ່ວມໃນງານມະຫະກໍາກິລາແຫ່ງຊາດ ຄັ້ງທີ XI ຫຼື “ ຊຽງຂວາງເກມ “ ທີ່ແຂວງຊຽງຂວາງຮັບກຽດເປັນເຈົ້າພາບ ຊຶ່ງຈະຈັດຂຶ້ນລະຫວ່າງວັນທີ 13-22 ທັນວາ 2022 ນີ້. ພິທີມອບ-ຮັບຈັດຂຶ້ນໃນວັນທີ 30 ພະຈິກ 2022 ທີ່ຫ້ອງວ່າການແຂວງ ໂດຍການກ່າວມອບຂອງທ່ານ ໄຊຊະນະ ວິຊາເທບ ປະທານບໍລິສັດ ໄຊຊະນະພະລັງງານ ຈໍາກັດ ແລະ ກ່າວຮັບໂດຍ ທ່ານ ເຫຼັກໄຫຼ ສີວິໄລ ເຈົ້າແຂວງເຊກອງ ມີພາກສ່ວນກ່ຽວຂ້ອງເຂົ້າຮ່ວມ.

ອ່ານ​ເພີ່ມ

 

 

 

ວິ​ທີ​ກຳ​ຈັດ​ໜອນ​ນ້​ຳຍູງ​ລາຍ
Facebook ຂ່າວ​ເຊກອງ
Facebook ຂ່າວ​ໂທ​ລະ​ພາບ