ຊາວໜຸ່ມຮາກຖານພະແນກ ຖວທ ປະກາດຮັບຮອງ4ບຸກ

19/09/2022

ຊາວໜຸ່ມຮາກຖານພະແນກ ຖວທ ປະກາດຮັບຮອງ4ບຸກ

ພິທີປະກາດຂໍ້ແຂ່ງຂັນ 4 ບຸກຄັ້ງທີ5 ໃຫ້ຄະນະຊາວໜຸ່ມປະຊາຊົນປະຕິວັດລາວຮາກຖານພະແນກຖະແຫຼງຂ່າວ,ວັດທະນະທຳແລະທ່ອງທ່ຽວ ແຂວງເຊກອງ ປະຈໍາປີ 2021 ຈັດຂຶ້ນໃນທ້າຍອາທິດຜ່ານມາ , ໂດຍມີສະຫາຍ ແສງໂນພາ ມິກດາວົງ ຮອງເລຂາຄະນະບໍລິຫານງານຊາວໜຸ່ມແຂວງເຊກອງ,ສະຫາຍ ນາງ ວຽງສະໄໝ ວົງວິຈິດ ຮອງຫົວໜ້າພະແນກຖະແຫຼງຂ່າວ,ວັດທະນະທຳແລະທ່ອງທ່ຽວແຂວງເຊກອງແລະ ມີສະມາຊິກຊາວໜຸ່ມພາຍໃນຮາກຖານເຂົ້າຮ່ວມ.
ໃນພິທີ ສະຫາຍ ເພັດພູທອນ ສິດທິເດດ ເລຂາຄະນະຊາວໜຸ່ມປະຊາຊົນປະຕິວັດລາວຮາກຖານພະແນກພະແນກຖະແຫຼງຂ່າວ,ວັດທະນະທຳແລະທ່ອງທ່ຽວແຂວງເຊກອງໄດ້ຕີລາຄາຄືນການຈັດຕັ້ງປະຕິບັດວຽກງານຂໍ້ແຂ່ງຂັນ 4 ບຸກຂອງຄະນະຊາວໜຸ່ມປະຊາຊົນປະຕິວັດລາວຮາກຖານຕົນ ເຊິ່ງຕະຫຼອດໄລຍະຜ່ານມາ ໄດ້ເອົາໃຈໃສ່ສຶກສາອົບຮົມການເມືອງ-ນໍາພາແນວຄິດໃຫ້ສະມາຊິກຊາວໝຸ່ມ ດ້ວຍການນໍາເອົາບັນດາມະຕິ, ຄໍາສັ່ງແນະນໍາ, ຂໍ້ກໍານົດ, ກົດລະບຽບຂອງພັກ, ກົດໝາຍຂອງລັດ, ຂໍ້ແຂ່ງຂັນ 4 ບຸກຂອງຊາວໜຸ່ມ ແລະ ມູນເຊື້ອວັນສໍາຄັນຕ່າງໆຂອງພັກ, ຂອງຊາດ ກໍຄື ຂອງສາກົນ ມາເຜີຍແຜ່ເຊື່ອມຊຶມຢ່າງເປັນປົກກະຕິຕໍ່ເນື່ອງ,ເຮັດໃຫ້ສະມາຊິກພາຍໃນໜ່ວຍເຊື່ອມຊຶມຕໍ່ແນວທາງການປ່ຽນແປງໃໝ່ຂອງພັກຢ່າງເລິກເຊິ່ງ,ສະແດງອອກການປະເມີນດ້ານມາດຖານຕ່າງໆໄດ້ບັນລຸຕາມແຜນທີ່ວາງໄວ້ເຊິ່ງປະເມີນສະມາຊິກພາຍໃນຮາກຖານຈຳນວນ 45 ສະຫາຍ,ຍິງ 25 ສະຫາຍໃນ4ມາດຖານບັນລຸໄດ້ຄື:ບຸກດ້ານແນວຄິດ ໄດ້ 92,08%, ບຸກດ້ານຝຶກຝົນຫຼໍ່ຫຼອມ-ຮໍ່າຮຽນ ໄດ້ 92,60%, ບຸກດ້ານວຽກງານການຈັດຕັ້ງໄດ້91,06% ແລະບຸກດ້ານວິຊາຊີບ-ສ້າງວຽກເຮັດງານທໍາ ໄດ້ 94,03%, ຈັດປະເພດແຂງໄດ້ 43 ສະຫາຍ, ກາງ 2 ສະຫາຍ, ຫຼັງຈາກນັ້ນຍັງໄດ້ມອບໃບຍ້ອງຍໍໃຫ້ສະມາຊິກຄະນະຊາວໜຸ່ມຮາກຖານພະແນກ ທີ່ມີຜົນງານດີເດັ່ນ ໃນການຈັດຕັ້ງປະຕິບັດຂໍ້ແຂ່ງຂັນ 4 ບຸກ ປະຈຳປີ2021ຕື່ມອີກ.
ໂອກາດນີ້ ສະຫາຍ ແສງໂນພາ ມິກດາວົງໄດ້ມີຄໍາເຫັນໂອ້ລົມ ແລະ ເນັ້ນໜັກໃຫ້ຄະນະໜ່ວຍ ສືບຕໍ່ສຶກສາອົບຮົມການເມືອງນໍາພາແນວຄິດໃຫ້ສະມາຊິກຂອງຕົນຢ່າງເປັນປົກກະຕິ ແນໃສ່ສ້າງການຫັນປ່ຽນຢ່າງແຂງແຮງ, ເລິກເຊິ່ງ ແລະ ຮອບດ້ານ; ເພີ່ມທະວີເສີມຂະຫຍາຍຜົນງານດ້ານດີ, ແກ້ໄຂຈຸດອ່ອນ, ຂໍ້ຄົງຄ້າງ ແລະ ຕ້ານທຸກບັນຫາປະກົດການຫຍໍ້ທໍ້ບໍ່ໃຫ້ເກີດຂຶ້ນຢູ່ຮາກຖານຂອງຕົນ, ປະຕິບັດຂໍ້ແຂ່ງຂັນ 4 ບຸກ ຕິດພັນກັບໜ້າທີ່ວິຊາສະເພາະຂອງຕົນໃຫ້ມີບາດກ້າວຫັນປ່ຽນໃໝ່ທີ່ດີຂຶ້ນ, ຖືກຕ້ອງສອດຄ່ອງກັບແນວທາງນະໂຍບາຍຂອງພັກ, ລະບຽບກົດໝາຍຂອງລັດວາງອອກ ເພື່ອຜັນຂະຫຍາຍມະຕິກອງປະຊຸມໃຫຍ່ຂອງພັກແຕ່ລະຂັ້ນ ກໍຄືມະຕິກອງປະຊຸມໃຫຍ່ຜູ້ທົ່ວຊາວໝຸ່ມທົ່ວປະເທດໃຫ້ປະກົດຜົນເປັນຈິງ.

 

ວິ​ທີ​ກຳ​ຈັດ​ໜອນ​ນ້​ຳຍູງ​ລາຍ
Facebook ຂ່າວ​ເຊກອງ
Facebook ຂ່າວ​ໂທ​ລະ​ພາບ