6 ເດືອນຕົ້ນປີ 2022 ລັດວິສາຫະກິດໄຟຟ້າລາວ ສາຂາແຂວງເຊກອງ ປະຕິບັດໜ້າວຽກມີຜົນສໍາເລັດຫຼາຍດ້ານ.

19/09/2022

6 ເດືອນຕົ້ນປີ 2022 ລັດວິສາຫະກິດໄຟຟ້າລາວ ສາຂາແຂວງເຊກອງ ປະຕິບັດໜ້າວຽກມີຜົນສໍາເລັດຫຼາຍດ້ານ.

ທ່ານ ພູທົງ ຫຼວງໄຊຍະລາດ ຫົວໜ້າລັດວິສາຫະໄຟຟ້າລາວ ສາຂາແຂວງເຊກອງ ໄດ້ໃຫ້ສຳພາດຕໍ່ສື່ຂ່າວແຂວງ ໃນວັນທີ 8 ກັນຍາ 2022 ນີ້; ໃຫ້ຮູ້ວ່າ:ລັດວິສາຫະກິດໄຟຟ້າລາວ ສາຂາແຂວງເຊກອງ ແມ່ນຍຶດໝັ້ນໃນຫຼັກການທີ່ມີພັກນໍາພາ- ລັດຄຸ້ມຄອງບໍລິຫານ ເພື່ອຜັນຂະຫຍາຍເຂົ້າໃນວຽກງານຕົວຈິງໃຫ້ຖືກຕ້ອງສອດຄ່ອງ ຕາມລະບຽບກົດໝາຍທີ່ຂັ້ນເທິງວາງອອກ ດ້ວຍຄວາມຮັບຜິດຊອບສູງ ແລະມີຜົນສຳເລັດຫຼາຍດ້ານໃນການເຄື່ອນໄຫວຈັດຕັ້ງປະຕິບັດວຽກງານ 6 ເດືອນຕົ້ນປີ 2022 , ດ້ານວຽກງານສະຖິຕິການຊົມໃຊ້ໄຟຟ້າ, ເຊິ່ງໃນປັດຈຸບັນ ທົ່ວແຂວງເຊກອງ ແມ່ນໄດ້ຊົມໃຊ້ໄຟຟ້າແລ້ວ 100%, ໃນຈຳນວນ 199 ບ້ານ, ໃນນັ້ນສາມາດຊົມໃຊ້ໄຟຟ້າແລ້ວ 157 ບ້ານເທົ່າກັບ 78,89% ຍັງເຫຼືອ 42 ບ້ານ, ຖ້າທຽບໃສ່ປີ 2021 ແມ່ນເພີ່ມຂື້ນ 02 ບ້ານເທົ່າກັບ 1,29%, ໃນຈຳນວນ 21.461 ຫຼັງຄາເຮືອນ ແລະໄດ້ຊົມໃຊ້ໄຟຟ້າແລ້ວ 17.940 ຫຼັງຄາເຮືອນເທົ່າກັບ 83,59%, ດ້ານວຽກງານການຂະຫຍາຍຕາຂ່າຍ: ຕາຂ່າຍແຮງດັນກາງ 12.7kv-35kv ມີ: 953,304 km/ວົງຈອນ, ໄດ້ເພີ່ມຂື້ນຈາກປີ 2021 ມີ: 4,199 km/ວົງຈອນ, ເທົ່າກັບ0,44% ແລະຕາຂ່າຍແຮງດັນຕໍ່າ 0,4 kv ມີ:415,378 km/ວົງຈອນ, ໄດ້ເພີ່ມຂື້ນຈາກປີ 2021 ມີ: 6,556 km/ວົງຈອນ, ເທົ່າກັບ 1,60% ແລະມີໝໍ້ແປງ 572 ໜ່ວຍ, ມີກຳລັງຕິດຕັ້ງທັງໝົດ 78.172 kvA; ເມືອທຽບໃສ່ປີຜ່ານມາ ເພີ່ມຂື້ນ 14 ໜ່ວຍ; ເທົ່າກັບ 2,51% ມີກຳລັງຕິດຕັ້ງ 3.857kvA ເທົ່າກັບ 3% ແລະມີໝໍ້ນັບໄຟຈຳນວນ 20.096 ໜ່ວຍ, ເພີ່ມຂື້ນ 649 ໜ່ວຍ, ເທົ່າກັບ 6,84% ແລະດ້ານວຽກງານໃນການເກັບລາຍຮັບໃນ 6 ເດືອນຕົ້ນປີ ສາມາດປະຕິບັດໄດ້ 24.326.974.339 ກີບ ແລະໄດ້ມອບພັນອາກອນເຂົ້າງົບປະມານຈຳນວນ 1.800.209.045 ກີບ ໃນຕົ້ນປີນີ້.
ທ່ານ ພູທົງ ຫຼວງໄຊຍະລາດ ຍັງກ່າວຕື່ມວ່າ: ໃນ 6 ເດືອນຕົ້ນປີ ສາມາດຂະຫຍາຍໄຟ ລົງສູ່ເຂດຊົນນະບົດ ຢູ່ເມືອງດາກຈຶງໄດ້ຈໍານວນ 08 ບ້ານ , ສາມາດຕິດຕັ້ງໄຟແລ້ວຈໍານວນ 06 ບ້ານ, ມີ 87 ຫຼັງຄາເຮືອນ, ພ້ອມນັ້ນ, ກໍ່ໄດ້ຕິດຕັ້ງໄຟເຂົ້າບ້ານ ນາວາ ພາກເຊ ຈໍານວນ 29 ຫຼັງຄາເຮືອນ, ແລະກຽມທີ່ຈະປ່ອຍໄຟອີກບໍ່ດົນນີ້; ນອກຈາກນັ້ນທານຍັງໄດ້ຮຽກຮ້ອງມາຍັງພໍ່ແມ່ປະຊາຊົນໃນທົ່ວສັງຄົມໃຫ້ເຂົ້າໃຈ ແລະມີສ່ວນຮ່ວມໃຫ້ຫຼາຍຂື້ນໃນການຊົມໃຊ້ໄຟຟ້າດ້ວຍຄວາມປະຢັດ.
.ຂ່າວ: ບູ້ສຸວັນ.

 

ວິ​ທີ​ກຳ​ຈັດ​ໜອນ​ນ້​ຳຍູງ​ລາຍ
Facebook ຂ່າວ​ເຊກອງ
Facebook ຂ່າວ​ໂທ​ລະ​ພາບ